Ibermutua e o Colexio de Graduados Sociais da Coruña e Ourense asinan un convenio de colaboración

29 de noviembre de 2021 a las 14:34
Firma convenio Ibermutua gallega-Colegio Graduados Sociales Coruña y Ourense

Ibermutua e o Colexio Oficial de Graduados Sociais da Coruña e Ourense asinaron un convenio de colaboración, cuxo obxectivo é o de facilitar a divulgación adecuada das novidades normativas en materia de Seguridade Social, con especial dedicación ás prestacións responsabilidade da Mutua, a través de distintas canles de comunicación.

O documento subscrito prevé o intercambio de información entre profesionais de ambas as entidades para a posta ao día das novidades en materia de xestión da Seguridade Social relacionada coas coberturas que presta Ibermutua.

Ademais, ambas as partes colaborarán na organización de xornadas relativas á xestión da Seguridade Social no referente ás coberturas que efectúa a Mutua. Estas sesións irán dirixidas aos colexiados protexidos por Ibermutua do ámbito de actuación do Colexio.

Ibermutua tamén poñerá ao dispor do Colexio de Graduados Sociais da Coruña e Ourense a documentación específica en materia de xestión da Seguridade Social e informaralle de todas as novidades normativas relativas a esta materia.

O convenio foi subscrito hoxe, na sede do Colexio, por Susana Soneira Lema, presidenta do Colexio Oficial de Graduados Sociais da Coruña e Ourense e por Javier Flórez Arias, director territorial de Ibermutua galega. Na firma tamén estiveron presentes, por parte do Colexio José Ramón Lage Cerviño e Celestino Vieites Sánchez, vicepresidente 2º e xerente do Colexio, respectivamente, e, por parte de Ibermutua galega, Alejandra Garrido, Eva Amor e Angel García, subdirectora territorial, directora na Coruña e coordinador de atención ao mutualista de Ibermutua galega, respectivamente.

Etiquetas: , ,

Compartir: Meneame Fresqui Delicious

© Ibermutua, Mutua Colaboradora con la Seguridad Social nº 274.
Todos los derechos reservados